Blutë bëjnë me dije se nga përplasja e makinës me kamionin ka mbetur viktimë njëri prej shoferëve. Gjithashtu ka mbetur i plagosur një prej pasagjerëve i cili ndodhet në spitalin e Korçës.
“Rreth orës 17:05, në aksin rrugor “Korçë- Pogradec”, në afërsi të fshatit Bulgarec, një kamion me drejtues shtetasin K. N., është përplasur me një automjet tip “Chevrolet”. Si pasojë e përplasjes ka ndërruar jetë shtetasi K. N., rreth 35 vjeç, drejtuesi i automjetit tip “Chevrolet”, dhe ka ngelur i dëmtuar pasagjeri në këtë mjet shtetasi E. Dh., i cili ndodhet në spital nën kujdesin e mjekëve. Grupi hetimor ndodhet në vend ngjarje për zbardhjen e rrethanave dhe shkakut të aksidentit”, thuhet në njoftimin e policisë.
