Momente paniku në avionin e linjës Firence-Londër, bën ulje të detyruar në Malpensa

Një avion i linjës Firence-Londër përjetoi momente paniku gjatë fluturimit, duke bërë ulje emergjente në aeroportin Malpensa të Milanos për shkak të një problemi teknik me motorin.

Incidenti ndodhi pasditen e sotme, rreth orës 16:00. Piloti i avionit, që i përkiste British Airways, kontaktoi kullën e kontrollit dhe kërkoi leje për ulje të menjëhershme, duke përmendur defektin si arsye kryesore.